АЛМАТЫ ҚАЛАСЫ

430 га аумақты алып жатқан «Боролдай сақ қорғандары» археологиялық паркі аймағы ерте темір дәуірінің 47 үлкен сақ және 200-ден астам үйсін қорғандарынан тұрады.

Вознесенск кафедралы шіркеуі – инженерлік құрылыстың бірегей түрі, биіктігі – 56 м. Оның құрылысы Түркістан мен Ташкенттің мәртебелі епископы Паисийдің (Виноградов) бастамасымен 1903 жылы 26 қыркүйекте Алматыда басталады. 1906 жылы алғашқы келушілерді қабылдайды.

1986 жылы желтоқсанда  қазақ жастарының КСРО үкіметінің отаршылдық, әміршіл-әкімшіл жүйесіне қарсы наразылық білдіріп, көшеге шықты. Жастар әділеттілікті, теңдікті, тәуелсіздікті қалады. Бұл оқиға бостандыққа, тәуелсіздікке ұмтылған қазақ халқы тарихындағы елеулі оқиға болып табылады.

Қазақтың қолданбалы өнерінен тамыр тартқан тәуелсіздік монументінің негізгі ортасында композициясы ұлттық өрнекпен көмкерілген текшелі діңгек тастан құралып, оның биіктігі 28 м-ге жетеді.

Райымбек Түкеұлы (1705-1785 кейбір деректерде 1730-1805) – қолбасшы, батыр, көзінің тірісінде-ақ «көріпкел», «әулие» атанған адам.

1934-1937 жылдар аралығында А.Байтұрсынұлы тұрған үй музей ретінде 1998 жылы ақынның 125 жылдық мерейтойы қарсаңында ресми түрде ашылды.