شىعىس قازاقستان وبلىسى تارباعاتاي اۋدانى اقسۋات اۋىلىنان كىندىكتى اۋىلىنا باراتىن جولدىڭ بويىندا، سولتۇستىككە قاراي 5 شاقىرىم جەردە، كۇمىستى باستاۋىنىڭ قاسىندا ورنالاسقان.
ىرعىزباي اتا دوسقانۇلى (1787-1850)– شىعىس وڭىرىنە تانىمال مولدا، ٴتاۋىپ، اۋليە ادام. ابايدىڭ اكەسى قۇنانباي ٴبيدى ەمدەپ جازعاندىعىمەن اتاعى ەلگە جايىلعان. شوپتەن دارىلەر جاساپ، ادامداردى ەمدەگەن، اقى تالاپ ەتپەگەن، «جەتىم-جەسىرگە بەرىڭدەر، مەنىڭ مىندەتىم بولەك»، – دەيدى ەكەن.
ەل ىشىندەگى اقپاراتتارعا قاراعاندا، ىرعىزباي دوسقاناۇلى قايتىس بولارىن سەزىپ: «توپىراق ماعان وسى جەردەن بۇيىرعان. مەنىڭ سۇيەگىمدى كىندىكتىگە اپارماڭدار، اناۋ تۇرعان قۇبابەلگە جەرلەيسىڭدەر»، – دەپ، ٴقازىر ٴوزى جاتقان جوتانى كورسەتەدى. «مەنى ساندىقشا بەيىتكە قوياسىڭدار. باسىما زيرات ٴۇيىن تۇرعىزباڭدار. زيرات ٴۇيىن تۇرعىزۋ كەلەشەك ۇرپاقتىڭ مىندەتى» – دەپ وسيەت ەتكەن ەكەن. شىنىباي جانىبەكۇلى دەگەن اقساقالدىڭ تۇسىنە كىرىپ: «مەنىڭ باسىم جالاڭاش جاتىر عوي»، – دەپ ايان بەرەدى. شىنىباي اقساقال تاستان قالاپ ىرعىزباي اتانىڭ باسىن كوتەرەدى.
سىلتەمە: قازاقستاننىڭ جالپىۇلتتىق قاسيەتتى نىساندارى. –استانا: فوليانت، 2017. –271-272 بب.
