مۇزتاۋ — التاي تاۋ جۇيەسىنىڭ رەسەي جانە قازاقستان جەرىندەگى ەڭ بيىك مۇزدىقتى شىڭى (4 506 م). قاتىن جوتاسىنىڭ شىعىس جاعىندا، قازاقستان مەن التاي ولكەسىنىڭ شەكاراسى ماڭىندا جاتىر.
ۇشار باسىندا ۇلكەن جانە كىشى بەرەل، مەڭسۋ مۇزدىقتارى بار؛ بۇلاردان قاتىنسۋ وزەنى باستاۋ الادى. مۇزتاۋمەن جالعاساتىن وزەن باسسەيندەرىندە 146 شارشى شاقىرىمدى الىپ جاتقان 162 مۇزدىق بار.
التايلىقتار مۇزتاۋدى «قۇدايدىڭ مەكەنى»، «ۇلى قارييا» دەپ ەركەلەتەدى. تاۋدى باسىنان اياعىنا دەيىن ماڭگى قار باسىپ جاتقاندىقتان وسىلاي اتالعان بولار.
