Шарын шатқалы Алматы қаласынан 195 шақырым жерде орналасқан. Ұзындығы 200 км, ал тас сілемдердің биіктігі 150 метрден 300 метрге дейін жетеді. Туристердің қызығушылығын оятқан «Мұнаралар аңғарының» ұзындығы — 2 км, ені — 20–80 м.
Шарынды Америкадағы Үлкен шатқалдың інісі деп салыстырады. Төбесі көкке тиіп тұрған үлкен тастар өздігінен салынған ертегі қаласын еске түсіреді: пішіндері қолдан салынған ғимарат пен мұнараларға қатты ұқсайды.
Жабайы аңдардың бейнесі арқылы бұл аймақта палеолит дәуірінде құс пен жануарлардың мекендегенін аңғаруға болады. Шатқалдың төменгі бөлігінде бөріқарақат пен тораңғы терегі өседі.
