شارىن شاتقالى الماتى قالاسىنان 195 شاقىرىم جەردە ورنالاسقان. ۇزىندىعى 200 كم، ال تاس سىلەمدەردىڭ بيىكتىگى 150 مەتردەن 300 مەترگە دەيىن جەتەدى. تۋريستەردىڭ قىزىعۋشىلىعىن وياتقان «مۇنارالار اڭعارىنىڭ» ۇزىندىعى — 2 كم، ەنى — 20–80 م.
شارىندى امەريكاداعى ۇلكەن شاتقالدىڭ ٴىنىسى دەپ سالىستىرادى. توبەسى كوككە ٴتيىپ تۇرعان ۇلكەن تاستار وزدىگىنەن سالىنعان ەرتەگى قالاسىن ەسكە تۇسىرەدى: پىشىندەرى قولدان سالىنعان عيمارات پەن مۇنارالارعا قاتتى ۇقسايدى.
جابايى اڭداردىڭ بەينەسى ارقىلى بۇل ايماقتا پالەوليت داۋىرىندە قۇس پەن جانۋارلاردىڭ مەكەندەگەنىن اڭعارۋعا بولادى. شاتقالدىڭ تومەنگى بولىگىندە ٴبورىقاراقات پەن توراڭعى تەرەگى وسەدى.
