بەيبىتشىلىك جانە كەلىسىم سارايى – نۇر-سۇلتانىڭ كورىكتى ورىندارىنىڭ ٴبىرى. پيراميدا – ٴتۇرلى دىندەردىڭ، ەتنوستاردىڭ جانە مادەنيەتتەردىڭ، حالىقتىڭ جانە مەملەكەتتىڭ بارلىق الەمگە اشىقتىعىنىڭ سيمۆولى، سونداي-اق ٴدىنتانۋ مەن دىنگە ەرىكتىلىكتىڭ ورتالىعى بولىپ تابىلادى.
ەلوردادا پيراميدا تارىزدەس ساراي بوي كوتەرسە، ٴارى وندا ٴتۇرلى ۇلت، ٴدىن وكىلدەرى باس قوسىپ، بارشا ادامزاتتى بەيبىتشىلىك پەن جاقسىلىققا جەتەلەيتىن شەشىمدەر قابىلداسا دەگەن يدەيانى ەلباسى نۇرسۇلتان نازارباەۆ 2003 جىلى نۇر-سۇلتان قالاسىندا وتكەن الەمدىك جانە ٴداستۇرلى دىندەر باسشىلارىنىڭ ٴى سەزىندە ۇسىنعان بولاتىن. مەملەكەت باسشىسىنىڭ يدەياسى سەزگە الەمنىڭ تۇكپىر-تۇكپىرىنەن جينالعان ٴتۇرلى كونفەسسييالاردىڭ كوشباسشىلارىنىڭ ۇلكەن قولداۋىن تاپتى. عيمارات اعىلشىن ارحيتەكتورى ن. فوستەردىڭ جوباسىمەن سالىنىپ، 2006 جىلى قىركۇيەكتە سالتاناتتى تۇردە اشىلدى. بولات پەن تاستان تۇرعىزىلعان. بەيبىتشىلىك جانە كەلىسىم سارايى قازاقستان جەرىندەگى بىرلىك پەن دوستىقتىڭ، بەيبىتشىلىك پەن ىنتىماقتاستىقتىڭ نىشانى بولىپ تابىلادى. ساراي بارلىق الەمدىك ٴداستۇرلى دىندەر وكىلدەرىنىڭ كونفەسسييالار اراسىنداعى قاتىناسىنا قىزمەت ەتەدى.
سىلتەمە: قازاقستاننىڭ جالپىۇلتتىق قاسيەتتى نىساندارى. –استانا: فوليانت، 2017. –476-478-بب.
