بەسپاقىر كەسەنەسى ٴحىح عاسىردىڭ 30-شى جىلدارىندا سالىنعان قازاقستاننىڭ ەرەكشە ٴدىني ساۋلەت ەسكەرتكىشى بولىپ تابىلادى. اقمولا وبلىسى قورعالجىن اۋدانى اۋماعىندا ورنالاسقان.
كەسەنە العاش رەت 1987 جىلى، ودان كەيىن 2006 جىلى «قازجوبا قالپىنا كەلتىرۋ» رەسپۋبليكالىق مەملەكەتتىك كاسىپورىنى عىلىمي-زەرتتەۋ جانە جوبالاۋ فيليالىنىڭ جيىنتىق بولىمىمەن (جەتەكشىسى – گ.قامالوۆا) زەرتتەلگەن.
اڭىز بويىنشا، مازار XIX عاسىردىڭ 30-جىلدارى كەنەسارى قاسىمۇلى باستاعان ۇلت-ازاتتىق كوتەرىلىسىندە ەرلىك كورسەتكەن بەس باتىردىڭ قۇرمەتىنە تۇرعىزىلعان. بەسپاقىر اتانۋى دا سودان. ەكى بولمەلى بولىپ سالىنعان مازاردىڭ قۇرىلىسى وزگەشە. شىعىس جاعىندا ورنالاسقان ەسىك ارقىلى كولەمى ٴۇش مەترگە جۋىق سوپاقشالاۋ بولمەنىڭ ىشىنە كىرۋگە بولادى. ەسىك ەڭسەلى، بيىك، اركا تارىزدەنىپ، ويىقشالارمەن بەزەندىرىلىپ قالانعان. ال قابىرعالاردىڭ بيىكتىگى كوز مولشەرىمەن العاندا ٴۇش مەترگە جۋىق. بىلەتىندەردىڭ ايتۋىنا قاراعاندا، كەسەنەگە قولدانىلعان شيكى كىرپىش ٴاۋ باستا قوي سۇتىنە اتتىڭ قىلى مەن ساز بالشىقتى ارالاستىرىپ سوعىلعان. جىلقى قىلى جىلدار وتسە دە توزىپ ۇزىلمەيتىن بەرىك، مىقتى. يەن دالاداعى جەلدىڭ وتىنەن، قار مەن جاڭبىردان ٴىرىپ، قايتادان بالشىققا اينالىپ كەتپەي تۇرۋىنىڭ ٴوزى كىرپىش دايىنداعان شەبەرلەردىڭ ٴوز ٴىسىنىڭ مايتالمان ماماندار ەكەندىگىن اڭعارتادى. دوڭگەلەك كەلگەن مازار كۇمبەزسىز سفەرا ٴتارىزدى جەرلەۋ كامەراسىنان جانە كونۋس ٴتارىزدى كۇمبەزى بار پورتالدان تۇرادى. كەسەنە كۇمبەزدى، ساعانا تۇرىندە ورىندالعان مازاردىڭ وزگەشە ٴتيپىن سيپاتتايدى.
سىلتەمە: 1. قازاقستاننىڭ جالپىۇلتتىق قاسيەتتى نىساندارى. –استانا: فوليانت، 2017. –379-380 بب.؛ 2. قاسيەتتى قازاقستان. 1-توم. –الماتى: «ارىس» باسپاسى، 2017. –82-ب.
