نۇر-سۇلتان قالاسىنىڭ ورتالىق بولىگىندە ورنالاسقان (رەسپۋبليكا داڭعىلى) كونستانتين-ەلەنا شىركەۋى قالانىڭ قۇندى تاريحي جانە مادەني ەسكەرتكىشتەرىنىڭ ٴبىرى بولىپ تابىلادى. كونە پراۆوسلاۆ شىركەۋى ٴسىبىر كازاك اسكەرلەرىنىڭ قازىنالىق قارجىسىنا 1854-1856 جىلدارى قامالدىڭ ىشىندەگى ۇلكەن الاڭنىڭ ورتاسىنا، بيىك جەرگە سالىندى. ىشكى جۇمىستارى تولىعىمەن 1858 جىلى اياقتالدى. اعاشتان سالىناتىن بۇل شىركەۋدىڭ جوباسى 1850 جىلى دايىن بولعان. ٴبىر قاباتتى، كرەست ٴتارىزدى ىرگە تاسقا سالىنعان قۇرىلىسقا اقمولا بەكىنىسى گارنيزونىنىڭ ينجەنەرى، پورۋچيك گ.ا.ۆوروتنيكوۆ جەتەكشىلىك جاسادى دەگەن مالىمەت بار.
1856 جىلى شىركەۋ قىزمەتكەرى يوانن توروپوۆ شىركەۋدى اۋليە كونستانتين جانە ەلەنا پاتشالاردىڭ اتىمەن اتادى. 1900-1902 جىلدارى شىركەۋ بۇزىلىپ، «كازاچيا ستانيتساعا» كوشىرىلدى. 1938 جىلى شىركەۋ جابىلدى، ال 1940 جىلى عيمارات تاريحي-ولكەتانۋ مۇراجايىنا تابىستالدى. 1941-1942 جىلدارى شىركەۋ عيماراتىنا اقمولادا ۇيىمداستىرىلعان 29-شى اتقىشتار ديۆيزيياسىنىڭ بايلانىس باتالونى ورنالاستىرىلعان. دىنگە سەنۋگە جەڭىلدىكتەر اشىلعانىنا بايلانىستى كونستانتين-ەلەنا شىركەۋى 1942 جىلى ٴمىناجات ورنىنا قايتا اينالدى.
تاريحي ەسكەرتكىش XIX عاسىردان ساقتالىپ قالعان جالعىز عيبادات ەتۋ ورنى. سونىمەن قاتار شىركەۋ باستاپقى كەزەڭدەردەگى قالا مادەنيەتى دامۋىنىڭ كورىنىسى ىسپەتتەس.
سىلتەمە: 1. قازاقستاننىڭ وڭىرلىك قاسيەتتى نىساندارى. –استانا: فوليانت، 2017. –9 ب.؛ 2. قاسيەتتى قازاقستان. 1-توم. –الماتى: «ارىس» باسپاسى، 2017. –40 ب.
كونستانتين جانە ەلەنا شىركەۋى رەسپۋبليكا داڭعىلىندا ورنالاسقان.
شىركەۋ ٴبىر تاقتىق، بەس تاراۋلى دۇرىس كىرەس تۇردە. عيماراتتىڭ ۇزىندىعى 33 مەتر، ەنى 8 مەتر. شىركەۋگە كىرەس ٴتۇرىن بەرەتىن جاقتارىنداعى ەكى عيماراتتار مولشەرى 3,6ح4 مەتر. پراۆوسلاۆتى شىركەۋدىڭ ناقتى سىزىقتارى عيماراتقا جەڭىلدىڭ پەن ساندىلىك بەرۋ ماقساتىندا بيىككە باعىتتالعان.
كۋب ٴتارىزدى اۋماقتىڭ توبەسىندە باس باسقارماعا جالعاساتىن، جازىق شاتىرمەن جابىلعان، تەرەزەسى بار 8-جاقتى بارابان ٴىلىنىپ تۇر. جابىندىنىڭ ۇستىندە 8-جاقتى بارابانى بار تىكبۇرىشتى نەگىزدى قوڭىراۋ ىلىنگىپ تۇر جانە جوعارى جاعىندا ورتالىق شاتىرداعى سيياقتى جازىق شاتىرمەن جابىلعان قوڭىراۋ مۇناراسىنىڭ باسپالداقتارى بار. قوڭىراۋ عيماراتقا باتىستان كىرەتىن جەردە ورنالاسقان.
قازىرگى تاڭدا ول تاستان جاسالعانداي سىلانعان.
ەسكەرتكىش قالاداعى 19 عاسىردان بەرى ساقتالىپ كەلە جاتقان جالعىز ٴدىني عيمارات رەتىندە باعالى جانە ول قالا قۇرىلىسىنىڭ تاريحىنداعى قالا مادەنيەتىنىڭ داۋىنداعى بەلگىلى ٴبىر كەزەڭدى بەينەلەيدى.
ەسكەرتكىشتىڭ تاريحى اقمولا وبلىسىنىڭ جورىق جاساۋشى ٴدىن قىزمەتشىسى ميحايل نيكولسكيي 1849 جىلى 12 قىركۇيەكتە شەكارالىق باسشىلىققا شىركەۋدىڭ قۇرىلىسىن 1850 جىلى ەرتە كوكتەمدە باستاۋىن سۇراعاننان باستالادى. اعاش شىركەۋدىڭ قۇرىلىسىنىڭ جوباسى مەن سمەتاسى 1850 جىلى ماۋسىمدا دايىن بولادى.
1856 جىلى 8 شىلدەدە شىركەۋلىك پروتويەرەي يوانن توروپوۆ شىركەۋدى اۋليە اپوستول پاتشالار كونستانتين مەن ەلەنانىڭ اتىنا دارىپتەدى. شىركەۋدىڭ العاشقى ٴدىن قىزمەتكەرى ميحايل نيكولسكيي. شىركەۋدىڭ سىرتىن ارلەۋ جۇمىستارى 1858 جىلى جاز مەزگىلىندە اياقتالعان.
1893 جىلعى 27 ساۋىردەگى قاۋلى بويىنشا، اقمولانىڭ كازاكتارىنىڭ تالابىنا ساي كونستانتين-ەلەنينسكيي شىركەۋىن اقمولانىڭ ستانيتسا الاڭىنا كوشىرۋگە رۇقسات بەردى. ستانيتسا الاڭىنىڭ قۇرىلىسى 1900 جىلى 14 مامىردا بولدى. كوشىرۋ ٴۇردىسى 1902 جىلدىڭ باسىندا اياقتالدى.
شىركەۋ باسىنداعىداي ٴبىر تاقتىق، دۇرىس كىرەس تۇردە، ٴبىراق وزگەرىپ بەس تاراۋلى بولعان. بۇل سول زامانداعى ساۋلەتشىلىكتىڭ رەسمي اعىنىنا ساي بولعان.
1938 جىلى كونستانتين-ەلەنينسكيي شىركەۋى جابىلدى. كىرەس پەن قوڭىراۋ شەشىلىپ، قوڭىراۋ مۇناراسى بۇزىلعان. 1940 جىلى عيمارات تاريحي-ولكەتانۋ مۇراجايىنىڭ قول استىنا بەرىلگەن. 1941-1942 جىلى ۇلى وتان سوعىسى جىلدارى شىركەۋ عيماراتىندا اقمولادا قۇرىلعان، 29-شى اتقىشتار ديۆيزيياسىنىڭ جەكە باتالونى ورنالاسقان.اقمولا تۇرعىندارىنىڭ سۇراۋى بويىنشا، كونستانتين-ەلەنينسكيي شىركەۋىندە قۇدايعا تابىنۋ قالپىنا كەلدى.
سول كەزدەن باستاپ جانە بۇگىنگى كۇنگە دەيىن ەڭ ەسكى ٴدىني قۇرىلىس عيماراتتارىنىڭ بىرىندە قۇدايعا تابىنۋ جالعاسۋدا.
