احۋننىڭ مەشىتى ماڭعىستاۋ وبلىسى بەينەۋ اۋدانى بەينەۋ اۋىلىنان وڭتۇستىك-باتىسقا قاراي 40 شاقىرىم قاشىقتىقتا ورنالاسقان. ماڭعىستاۋ ولكەسىنىڭ XIX عاسىردا سالىنعان ەڭ ٴىرى ساۋلەت ەسكەرتكىشى. مەشىت جەرگىلىكتى باي اقبوتا جەمەنەيدىڭ تاپسىرىسىمەن سالىنعان.
مەشىتتىڭ جوسپارى 22 بولمەلى تىك ٴتورتبۇرىشتى قۇرىلىس، ىرگەتاسى جوق ٴبىر ساتىلى قابىرعانىڭ تومەنگى جاق قالاندىسى ۇستىنە ورناتىلعان، توبەسىنەن 28 كۇمبەز شىعارىلعان. مەشىت قام كەسەكتەن تۇرعىزىلعان، قابىرعاسى سىرتىنان اكتاستارمەن قاپتالعان، ىشكى قابىرعالار سىلانعان. عيمارات ورتاسىندا 4 ۇلكەن زال ورنالاسقان، پەريمەتر بويىمەن ارقالىعى بار بوساعالار مەن كۇمبەزدى شاتىرى بار بولمەلەر قابىرعادان شىعىپ تۇراتىن جالعان باعانالى بولىپ قاتارلاسقان.
كوركەمباي مەشىتى 1928 جىلعا دەيىن ٴبىلىم ورداسى اتالىپ، وندا ەل بالالارى مۇسىلمانشىلىقتان ٴدارىس العان. مەشىتتە ەلگە اتاعى بەلگىلى احۋندار، يشاندار – ابدوللا حازىرەت، ٴشاۋدىر يشان، قاراقالپاق ماتكارىم، ت.ب ساباق بەرگەن. بەكتۇرلىۇلى كوركەمباي احۋن بولشەۆيكتەر تاراپىنان قۋعىنعا ۇشىراپ، ۇستازدارىن تاراتىپ، مەشىتىن جاۋىپ، ٴوزى تاجىكستان جەرىنە قونىس اۋدارادى. قاي جىلى قايتىس بولىپ جانە قايدا جەرلەنگەنى تۋرالى تولىق مالىمەت جوق.
سىلتەمە: قازاقستاننىڭ وڭىرلىك قاسيەتتى نىساندارى. –استانا: فوليانت، 2017. –-357-ب.؛ قاسيەتتى قازاقستان. 2-توم. –استانا: 2018. –347-ب.
