كەسەنە پاۆلودار وبلىسى باياناۋىل اۋدانى ەسكەلدى ەلدى مەكەنىندە ورنالاسقان.
ٴماشھۇر-ٴجۇسىپ كوپەيۇلى (1858-1931)- ۇلى ويشىل، فولكلورتانۋشى، ەتنوگراف، تاريحشى، فيلوسوف، قازاق مادەنيەتى مەن ادەبيەتىنىڭ بەلگىلى تۇلعاسى. ٴماشھۇر-ٴجۇسىپ اراب جانە پارسى تىلدەرىن جەتىك بىلگەنىمەن قويماي،كوپ ٴتىلدى بىلگەن عۇلاما تۇلعا.
جەتى جاسار كەزىنەن-اق حالىق ادەبيەتى ۇلگىلەرىن جيناۋمەن اينالىسا باستاعان. ون بەس جاسىنان باستاپ اقىندىق جولعا بوي ۇرا باستايدى. مۇسا شورمانۇلى اۋىلىنا قوناق بولىپ كەلگەندە كىشكەنە بالانىڭ ونەرىنە ٴتانتى بولىپتى. اقىن بالانىڭ اكەسىنە: «سوپى، مىنا بالاڭا مۇنان بىلاي باس كيىمىنە ۇكى تاقتىرىپ قويىڭىز. كوز-تىلگە شەت بولماسىن! بۇل ٴوز زامانىندا حالىققا ٴماشھۇر بولاتىن بالا ەكەن!» دەپ ايتقان ەكەن. سودان كەيىن «ٴجۇسىپ» دەگەن اتىنا «ٴماشھۇر» اتى قوساقتالا باستايدى. كوزى كورگەن ادامداردىڭ ايتۋىنشا، اقىننىڭ كورىپكەلدىك، اۋليەلىك قاسيەتى بولعان.
كەسەنە ىشىندە كانوندىق مۇسىلمان ستيلىندە ەكى بولمە ورنالاسقان: گۋرحانا جانە زيراتحان. بۇل بولمەگە شىعاتىن ەسىكتەردە قۇران اياتتارىنان جولدار جازىلعان. ٴتىپتى التىنمەن جالاتىلعان مازارعا كىرەبەرىس ەسىكتىڭ ٴوزى – ونەر تۋىندىسى بولىپ تابىلادى (اۆتورى – التىن ادامدى قايتا قۇراعان بەلگىلى قازاقستاندىق زەرگەر قىرىم التىنبەكوۆ). ول ەڭ مىقتى جانە كوركەم سۋرەتتەرمەن بەزەندىرىلگەن. كەسەنەنىڭ ەكى كۇمبەزىن التىنمەن اپتاعان، وعان قۇدايدىڭ99-ى ەسىمى جازىلعان.
سىلتەمە: قازاقستاننىڭ جالپىۇلتتىق قاسيەتتى نىساندارى. –استانا: فوليانت، 2017. –279-280-بب.
