جوڭعار باسقىنشىلىعىنا قارسى ايانباي كۇرەسكەن قازاق قولباسشىلارىنىڭ ٴبىرى قابانباي باتىر كەسەنەسى اقمولا وبلىسى تسەلينوگراد اۋدانى قىزىلجار اۋىلىندا ورنالاسقان.
قابانباي (شىن ەسىمى ەراسىل) باتىر قوجاعۇلۇلى (1692-1770) – قولباسشى، ابىلاي حاننىڭ باس باتىرلارىنىڭ ٴبىرى.حالىق ونى قۇرمەتتەپ قاراكەرەي قابانباي، حان باتىرى دەپ اتادى. 1741 جىلى شىڭعىستاۋداعى شاعان شايقاسىندا قالىڭ جاۋعا اقبوز اتىنا ٴمىنىپ الىپ جالعىز ٴوزى اتوي سالعان باتىردى ەل دارابوز دەپ اتاپ كەتتى. قابانباي باتىر قىتاي جازبالارىنا1757-1758 جىلداردان باستاپ «قازاقتىڭ تۋمۋ باتۇلى – ياعني باس باتىرى» رەتىندە حاتقا ٴتۇسىپ، قازاق حاندىعىنىڭ ابىلاي، ابىلپەيىزدەن كەيىنگى 3-ٴىرى تۇلعاسى، كەيدە ابىلاي، ابىلپەيىز، ابىلمامبەتتەن كەيىنگى 4-ٴىرى تۇلعاسى رەتىندە اتالىپ وتىرادى.
سىلتەمە: قازاقستاننىڭ جالپىۇلتتىق قاسيەتتى نىساندارى. –استانا:
فوليانت، 2017. –312-314-بب.
قاسيەتتى قازاقستان.
