اقمولا وبلىسى ەرەيمەنتاۋ اۋدانى «بۇيراتتاۋ» تابيعي ۇلتتىق پاركىندە ورنالاسقان. حرونولوگييالىق مەرزىمى: Vٴىى-Vٴىىى عع.
«قوسباتىر» ارحەولوگييالىق-ەتنوگرافييالىق كەشەنى قۇماي (ۇماي ۇعىمىنا سينونيم) وزەنى جاعاسىندا ورنالاسقان تۇركى ٴداۋىرىنىڭ رۋحاني ومىرىنەن سىر شەرتەتىن كەشەن. «قوسباتىر» اتالۋىن، سول قولىنا قارۋ، جانە وڭ قولىنا ىدىس ۇستاعان قوس بالبالدان اڭعارۋعا بولادى. ٴتاڭىر مەن جەر-سۋدىڭ تۇتاستىعىنا سەنىپ، ولاردى جەر بەتىندە بەينەلەيتىن قۇداي دەپ تانىلعان. ٴمۇسىننىڭ جانىندا ورنالاسقان ٴۇي-عۇرىپتىق قورشاۋ – كيەلى شاڭىراق، وشاق قاسى ىسپەتتەس قاسيەتتى. ونى ارنايى باتىرلار قورشاپ تۇرادى. اسپان (كۇن-ەرلەر باستاۋى) مەن جەردى (اي-ايەلدەر باستاۋى) بەينەلەنىپ وبرازدار قۇرالدى. جەر-سۋ ٴتاڭىرى بولىپ ەسەپتەلدى جانە سونىڭ اتىمەن سيىندى.
تۇركىلەر الەمدى شەكسىز، ۋاقىتتى ماڭگىلىك دەپ ۇعىنعان، ولاردىڭ ونەرىندە ٴتاڭىردىڭ بەينەسى جوق. كوكتەن قۇت دارىعان ۇلى بابالاردىڭ سىيىنۋشىلارى بولسا، جەردەگى اماندىقتارىن ٴومىر سىيلاۋشى جانە ونى ساقتاۋشىسى ۇماي انا قامتاماسىز ەتتى. كوكتەگى قۇتتىڭ قوجاسى اشينا اۋلەتىنىڭ وكىلى بولدى. ول مەكەن ەتكەن جەر قاسيەتتى جەر دەگەن اتاۋعا يە بولدى. بۇلار قازاق جەرىندەگى تۇرىك تايپالارىنىڭ دامۋ اۋماعىن جانە اتالعان اۋماقتىڭ اۆتوحتوندى تۇرعىندارى بولىپ تابىلاتىن تۇركىلەردىڭ مەملەكەتىنىڭ قالىپتاسۋ كەزەڭىندەگى رۋحاني سەنىمدى انىقتاۋعا مۇمكىندىك بەرەدى.
سىلتەمە: قازاقستاننىڭ جالپىۇلتتىق قاسيەتتى نىساندارى. –استانا:فوليانت، 2017. –117-119 بب.
