شىعىس قازاقستان وبلىسى اياگوز اۋدانى، تاڭسىق تەمىرجول بەكەتىنەن 10 شاقىرىمداي جەردە، اياگوز وزەنىنىڭ بويىندا ورنالاسقان. كونە تۇركى داۋىرىنە جاتاتىن قوزى كورپەش –بايان سۇلۋ مازارى – قوس عاشىقتىڭ قايعىلى ماحابباتىنا ارناپ سوعىلعان ماحاببات نەكروپولى. قازاقستانداعى ساناۋلى «ٴدىڭ» ەسكەرتكىشتەردىڭ توپتاماسىنا كىرەدى. قازاق ليرو-ەپوسىنىڭ ەڭ كونەسى سانالاتىن بۇل جىردى يسلام دىنىنە دەيىنگى ۇلى دالانى مەكەندەگەن تايپالاردىڭ قوعامدىق قارىم-قاتىناسى، كۇن كورىسى، ەكونوميكالىق مالشارۋاشىلىق نەگىزى، كوشپەلىلىك تابيعاتى سۋرەتتەلگەن رەسمي دۇنيە دەپ تە قابىلداۋعا بولادى. كوپ ۆاريانتتىلىعى بۇل جىردىڭ رەاليستىك قاسيەتىن ارتتىرا تۇسەدى.
ەسكەرتكىش ادىرناسى ونشاقتى شاقىرىمعا كەرە تارتىلعان الىپ ساداقتىڭ اتىلۋعا دايار تۇرعان جەبەسىنە ۇقسايدى. قازاقتىڭ ٴبىراز رۋىنىڭ تاڭباسى –جەبە. ساداققا ۇقساعان ٴيىن جيىرما شارشى شاقىرىمعا جۋىق جەردى الىپ جاتىر. بابالارىمىز نەكروپولدى تۇرعىزعاندا ونىڭ مەڭزەيتىن ويىن قوسا ويلاستىرىپتى. قاشاندا جەبەنىڭ جاۋدى نىساناعا الاتىنى بەلگىلى. كەسەنەنىڭ قۇرىلىس ماتەريالى – جالپاق تاستار پيراميدالىق ۇلگىگە سايكەستەنە قالانعان. ٴتورت جاعىنىڭ بىرىندە سيممەترييانىڭ ساقتالماۋىنان ويىس پايدا بولعان. قوزى مەن بايان نەكروپولى – ەگيپەت پيراميدالارىنىڭ جەبە بەينەسىندەگى ٴبىر ٴتۇرى.
سىلتەمە: 1.قازاقستاننىڭ جالپىۇلتتىق قاسيەتتى نىساندارى. –استانا: فوليانت، 2017. –243-245 بب.
2.قاسيەتتى قازاقستان. https://www.youtube.com/watch؟v=PlilR9vpA9k
