جامبىل وبلىسىنىڭ ورتالىعى تاراز قالاسىنان 18 شاقىرىم قاشىقتىقتاعى ايشا ٴبيبى كەسەنەسىنىڭ جانىندا ورنالاسقان. بابادجا حاتۋن كەسەنەسىنىڭ (ح-ٴحى عع.) تۇرعىزىلۋى تۋرالى اڭىز ايشا ٴبيبى كەسەنەسىنىڭ سالىنۋى تۋرالى اڭىزبەن تىكەلەي بايلانىستى. اڭىز بويىنشا، كەسەنە ايشا ارۋدىڭ كۇتۋشىسى بولعان،ول ومىردەن وتكەن سوڭ، جاس ٴقابىردىڭومىر بويعى شىراقشىسى مىندەتىن اتقارعان پارىزادامى – بابادجا حاتۋننىڭ بەيىتىنىڭ ۇستىنە ورناتىلعان.
كەسەنەنىڭ شارشى تۇرپاتتاس ٴپىشىنى بار، قابىرعالاردىڭ قالىڭدىعى 1,23 مەترگە جەتەدى. اشىق كۇيدىرىلگەن كىرپىشتەن قالانعان. بابادجا-حاتۋن كەسەنەسىنىڭ ساۋلەتتىك كومپوزيتسيياسى قاراپايىم، ٴارى بەزەندىرۋلەرى از. عيمارتتىڭ ٴۇش قاسبەتىندە (باتىس قاسبەتتەن باسقا) قۋىستار مەن بويتۇمارلار ورنەكتەلگەن. قاسبەت قابىرعالارىنىڭ بەتى جالعان اركا تارىزدەس جالعان تەرەزەلەرمەن جانە قۋىستارمەن بەزەندىرىلگەن. تەرەزەلەر ۇستىندە اشەكەيلەپ قالاۋمەن ورىندالعان، كىرپىشتەن قالانعان شەڭبەرلەر بار.كەسەنەنىڭ كوركەمدىك پەن سىمباتتىلىق بەرەتىن پريزمالىق بارابانعا ورنالاسقان 16 قىرلى كونۋس جابىنى – قازاقستان كۇمبەزدەرىنىڭ ىشىندەگى ەڭ ەرەكشەسى.
سىلتەمە: قازاقستاننىڭ جالپىۇلتتىق قاسيەتتى نىساندارى. –استانا: فوليانت، 2017. –182-183-بب.
