يساتاي باتىر كەسەنەسى اقتوبە وبلىسى قوبدا اۋدانى شەيىتسايدا ورنالاسقان. يساتاي تايمانۇلى (1804-1846) – 1836-38 جج. باتىس قازاقستانداعى حالىق كوتەرىلىسىنىڭ ساياسي، كوسەمى، قولباسشى، حالىق باتىرى. «جاڭگىردىڭ زامانىندا بوكەيدىڭ ەلى كوشۋدى كەمىتىپ، وتىرىقشى بولا باستادى. ٴار رۋدىڭ بەلگىلى قىستاۋى، جايلاۋى بولدى. جايلاعاندا، قىستاعاندا ەل 1806 جىلدىڭ شەگىنەن اسا المايتىن بولدى. جازى قولايسىز، نە قىسى قاتتى جىلدارى كورشىلەس نۋداعى ەلدەرمەن قازاقتىڭ اراسىنا كۇشتى جانجالدار پايدا بولدى. جۇت كوبەيدى. ەل جارلى بولا باستادى. جاڭگىر قازاقتى قورعامادى، قورعاۋعا ٴالى دە كەلمەدى. ەدىل-جايىق بويىنداعى كازاك-ورىستار، تەڭىز بويىنداعى بايلار قازاقتىڭ مەنشىكتى جەرىنە اۋىز سالدى»، – دەپ جازادى حالەل دوسمۇحامەدۇلى «الامان» اتتى كىتابىنىڭ «تايمانۇلى يساتايدىڭ قوزعالىسى تۋراسىندا قىسقاشا مالىمەت» اتتى تاراۋىندا. «يساتاي زامانى پاتشا وكىمەتىنىڭ قازاقتى ابدەن مەڭگەرىپ الۋعا جاقىنداعان زامانى». كوتەرىلىس جانشىلىپ-باسىلدى، ٴبىراق دەربەس رۋح ولمەي قالدى دەلىنگەن.
سىلتەمە: قازاقستاننىڭ جالپىۇلتتىق قاسيەتتى نىساندارى. –استانا: فوليانت، 2017. –349-350-بب.
