وڭاي اتا كەسەنەسى

كەسەنە اتىراۋ وبلىسى اتىراۋ – ماقات كۇرەجولىندا، ماقات كەنتىنەن 60 شاقىرىم جەردە ورنالاسقان. قازاقستاننىڭ حالىق جازۋشىسى، اقىن فاريزا وڭعارسىنوۆانىڭ باستاماسىمەن 1999 جىلى ٴقابىردىڭ ۇستىنە ٴتورتقۇلاقتى كەسەنە تۇرعىزىلدى. ول ۇلۋتاستان سالىنعان. دەرتىنە داۋا ىزدەگەن مۇقتاجدار وسى ۋاقىتقا دەيىن ونىڭ باسىنا زييارات ەتىپ، تۇنەپ، ارۋاعىنان دەمەۋ كۇتەدى.

وڭاي ەسىمبەتۇلى (1823-1900) كونەكوزدەردىڭ ايتۋىنا قاراعاندا، قايىرىمدى، ىزگىلىكتى جانە پاراساتتى ادام بولىپتى. ٴوزى ٴومىر سۇرگەن ۋاقىتتاردا ىسىق رۋىنىڭ اقىلشىسى، جانىنداعىلارىن تىڭداتا الاتىن بەدەلدى ادام بولعان دەسەدى. جول بويى وتكەن جولاۋشىلاردىڭ جاعدايىن جاساپ وتىرعان جومارت جان قىستا تەڭىز جاعاسىن مەكەندەپ، جازعىتۇرىم، جاز جəنە كۇز ايلارىندا ويىل، قيىل، ساعىز وزەندەرى بويىن جايلاعان دəۋلەتتى ادام ەكەن. قايىرىمدىلىعىمەن، جارلى-جاقىبايلارعا جاناشىرلىعىمەن حالىق اراسىندا سىيلى بولعان ول كوزى تىرىسىندە كورىپكەلدىك قاسيەتىمەن دە جۇرتشىلىققا شاپاعاتىن تيگىزگەن.

وڭاي اتا جەرلەنگەن جەرىندە تۇنەك ٴۇيى، مەشىت بار. جول بويى وتكەن جولاۋشىلاردىڭ ٴتاۋ ەتىپ وتەر جەرى – وڭاي اتا كەسەنەسى. اڭىزدارعا سەنسەك، ول كىسىنىڭ قۇدىرەتى سونشالىق، ارۋاعىن مويىنداماساڭ كولىكتى اۋدارىپ تاستايدى ەكەن.

سىلتەمە: قازاقستاننىڭ وڭىرلىك قاسيەتتى نىساندارى. –استانا: فوليانت، 2017. –163-ب.؛ قاسيەتتى قازاقستان. 2-توم. –استانا، 2018. –213-ب.