اتىراۋ وبلىسى يندەر اۋدانى يندەربور اۋىلىنان وڭتۇستىك-شىعىسقا قاراي 40 شاقىرىمدىق جەردە. ماحامبەت وتەمىسۇلى كەسەنەسى 1995 جىلى اقىننىڭ ٴقابىرى ۇستىندە تۇرعىزىلدى.
ماحامبەت وتەمىسۇلى (1804-1846) – XIX عاسىرداعى قازاقتىڭ ەركىن ويلى ۇلى اقىنى، كۇيشى كومپوزيتورى، وتارشىلدىققا قارسى يساتاي تايمانوۆ باستاعان كوتەرىلىستى (1836-1838) ۇيىمداستىرۋشىلاردىڭ ٴبىرى، وسى كوتەرىلىستىڭ جالىندى جىرشىسى. ماحامبەت وتەمىسۇلى بىرنەشە تىلدەردى بىلگەن، يسلامدى تەرەڭ تۇسىنگەن ٴدىندار ادام بولعان.
اقىن شىعارماشىلىعىندا ماڭىزدى ورىندى ٴاردايىم 1836-1837 جىلدار اراسىنداعى كوتەرىلىس العان، ونىڭ ولەڭدەرىندە بۇكىل كۇرەس شيەلەنىسۋى، ادىلەتسىزدىككە كونبەۋ، بيىك رۋح، باتىرلىق جانە بۇقارا حالىققا دەگەن سۇيىسپەنشىلىك سەزىنەدى، ول ٴوز ولەڭ جولدارىندا قازاق دالاسىنىڭ قاراپايىم ادامدارىنىڭ ارماندارى مەن مۇقتاجدىقتارىن ٴبىلدىردى.
سىلتەمە: قازاقستاننىڭ جالپىۇلتتىق قاسيەتتى نىساندارى. –استانا: فوليانت، 2017. –346-348-بب.
