قاراعاندى وبلىسى دولينكا كەنتىندە ورنالاسقان ساياسي قۋعىن-سۇرگىن قۇرباندارىنا ەستەلىك مۇراجايى قازاقستان اۋماعىنداعى ەڭ ايگىلى تۇزەۋ-ەڭبەك لاگەرى قارلاگ اۋماعىندا قۇرىلعان. قازاق حالقىنىڭ كوپتەگەن اسا دارىندى جانە پاراساتتى ۇلدارى «كونتررەۆوليۋتسييالىق قاستاندىق جاساۋشى»، «تەرروريستىك ارەكەتتەردى ۇيىمداستىرۋشى»، «جاپونييانىڭ تىڭشىسى»، ت.ب. ويدان شىعارىلعان وتىرىك ايىپتاۋلاردىڭ قۇربانى بولدى. ولارعا رەسمي تۇردە رۇقسات ەتىلگەن ازاپتاۋ تاسىلدەرىن قولدانىپ، «قىلمىستارىن» مويىنداتپاق بولدى. بۇكىل ەلدىڭ الدىندا ولاردى «حالىق جاۋى» دەپ قارالاپ، بالالارىن اتا-اناسىنان، ايەلدەرىن جۇبايلارىنان ايىرۋعا ارەكەتتەر جاسالدى. ستاليندىك قاتال ٴتارتىپتىڭ ۇيىمداستىرىپ، جۇزەگە اسىرعان، جازىقسىز جانداردى قىرىپ-جويعان ساياسي زورلىق-زومبىلىعىنىڭ شىرقاۋ شىڭى دەپ 1937-1938 جىلداردى اتاۋعا بولادى.
1997 جىلعى 5 ساۋىردە «31 مامىردى ساياسي قۋعىن-سۇرگىن قۇرباندارىن ەستە ساقتاۋ كۇنى دەپ جارييالاۋ» تۋرالى قازاقستان رەسپۋبليكاسى پرەزيدەنتىنىڭ جارلىعى شىقتى.
سىلتەمە: قازاقستاننىڭ جالپىۇلتتىق قاسيەتتى نىساندارى. –استانا: فوليانت، 2017. –448-450-بب.
