الماتى وبلىسى جاركەنت قالاسىنىڭ ورتالىعىندا ورنالاسقان كەشەن – ٴحىح عاسىردىڭ سوڭىندا سالىنعان سان الۋان ناقىشتارمەن بەزەندىرىلگەن، قايقى شاتىرلى، مۇنارالى، پورتالدى ساۋلەت ەسكەرتكىشى.
مەشىت كەشەنىندە پورتال (باس قاقپا) مەشىت قىزمەتشىلەرىنە ارنالعان كۇمبەز توبەلى ٴۇي، مەدرەسە ٴۇيى بار. قۇرىلىستىڭ باس مەردىگەرى – ەكىنشى گيلدى كوپەس ٴۋالي احۋن يۋلداشوۆ، باس ساۋلەتشىسى جەرگىلىكتى حالىق مۇقان دەپ اتاعان قىتاي شەبەرى حون پيك (حون في) بولدى. كەشەن جەرگىلىكتى داۋلەتتى بايلاردىڭ قاراجاتىمەن سالىنعان.مەشىت قۇرىلىسىنىڭ جۇمىسىنا ٴارتۇرلى ۇلت وكىلدەرىقاتىسقان. ەشقانداي شەگەنىڭ كومەگىنسىز سالىنعان.عاجايىپ سىرلى عيماراتتىڭ قابىرعالارىندا، شاتىر قاپتالدارىندا 1500-دەن استام الۋان ٴتۇرلى سۋرەت، اراپ-پارسى تىلدەرىندەگى كونە جازۋ ۇلگىلەرى بار. باس مەشىتتىڭ تورىندەگى ٴدىنباسى وتىراتىن مىنبەر ساكىنىڭ بوساعا تۇسىنداعى قابىرعاعا ٴۇندى حالىقتارىنىڭ ۇلگىسىمەن اڭىزدارعا ارقاۋ بولعان ٴزايتۇن – «ٴومىر اعاشى» كەسكىندەلگەن.
سىلتەمە: قازاقستاننىڭ جالپىۇلتتىق قاسيەتتى نىساندارى. –استانا:
فوليانت، 2017. –281-282- بب.
قاسيەتتى قازاقستان. https://www.youtube.com/watch؟v=y_1yxcRJOLY
