جاسىباي باتىر پاۆلودار وبلىسى باياناۋىل اۋدانى، جاسىباي كولىنىڭ جاعاسىندا جەرلەنگەن. جاسىباي باتىر ٴومىرۇلى (شامامان 1716-1741)- جوڭعار باسقىنشىلارىنا قارسى كۇرەسكەن قازاقتىڭ ايگىلى باتىرى. جاۋىرىنشى، قۇرالايدى كوزگە اتقان مەرگەن. اكەسى ٴومىر وت اۋىزدى، وراق ٴتىلدى شەشەن، اناسى – قازاقتىڭ اتاقتى باتىرى ولجابايدىڭ اپاسى بولعان.
باتىر جونىندە ورىس عالىمى ن.كونشيننىڭ جازبالارىندا، حالىق شەجىرەلەرىندە، اڭىز-اڭگىمەلەردە، باتىردىڭ وزىنە ارنالىپ شىعارىلعان «ەر جاسىباي» جىر-داستانىندا ٴبىراز ماعلۇماتتار بەرىلگەن. سولارعا قاراعاندا، ول ولجابايدىڭ جيەنى عانا ەمەس، جاۋعا بىرگە شاپقان سەرىگى، جاقىن دوسى بولعان. عۇلاما عالىم الكەي مارعۇلان بىلاي دەيدى: «1741 جىلى باياناۋىلدا بولعان شايقاستا ولجاباي، جاسىباي جاساقتارى جوڭعارلاردى تالقاندايدى. جاسىباي وققا ۇشقان سوڭ، ولجاباي قالماقتاردى تەگىسىمەن جويعان ٴبىر تاۋ «قالماققىرعان» اتانادى».
سىلتەمە: قازاقستاننىڭ جالپىۇلتتىق قاسيەتتى نىساندارى. –استانا:فوليانت، 2017. –331-334-بب.
