قاراعاندى وبلىسى جەزقازعان قالاسىنان سولتۇستىك-شىعىسقا قاراي 50 شاقىرىم جەردە، كەڭگىر وزەنىنىڭ جاعاسىندا ورنالاسقان كونە ارحيتەكتۋرالىق ەسكەرتكىش. كەسەنە شىڭعىس حاننىڭ ۇلى، التىن وردانىڭ نەگىزىن قالاۋشى جوشى حانعا ارناپ سالىنعان.
جوشى حان (1187-1227) – موڭعول شاپقىنشىلىعىنان كەيىن قىپشاق دالاسىندا قۇرىلعان جاڭا مەملەكەت – جوشى ۇلىسىنىڭ نەگىزىن قالاۋشى، شىڭعىس حاننىڭ ٴتورت ۇلدىڭ ۇلكەنى جوشى ەرتىستەن ورال تاۋلارىنا دەيىنگى، ودان ٴارى باتىسقا قاراي باعىنعان جەرلەردىڭ بارىندە بيلىك جۇرگىزدى. ورداسى ەرتىس وزەنى بويىندا ورنالاستى (ق. التىن وردا).
مازاردى زەرتتەۋدى ش.ٴۋاليحانوۆتىڭ «قىرعىز قايساق مولالارى جانە جالپى بۇرىنعى تۋرالى» اتتى ماقالاسىنان باستاۋ الادى. (1855 ج.). 1868 جىلى پودپولكوۆنيك كراسوۆسكييدىڭ "وبلاست سيبيرسكيح كيرگيزوۆ" اتتى ەڭبەگىندە ەجەلگى قۇرىلىس تۋرالى سيپاتتاما پايدا بولادى.
سىلتەمە: قازاقستاننىڭ جالپىۇلتتىق قاسيەتتى نىساندارى. –استانا: فوليانت، 2017. –245-248-بب.
قاسيەتتى قازاقستان.
