قوستاناي وبلىسى ارقالىق قالاسى ەكىدىڭ اۋىلىنىڭ سولتۇستىك-شىعىسىنا قاراي، قاراتورعاي وزەنىنىڭ ەكى جاق جاعاسىندا ورنالاسقان. حرونولوگييالىق مەرزىمى: شامامەن ب.د.د.Vٴىىى-ٴىىى عع.
ەسكەرتكىش ەكى نىساننان تۇرادى. ەكىدىڭ I قاراتورعاي وزەنىنىڭ سول جاعالاۋىندا ورنالاسقان، ەكىدىڭ ٴىى – بيىگىرەكتە، الىستان جاقسى بايقالادى. ەكەۋىنىڭ اراقاشىقتىعى 4 شاقىرىم.
اڭىزعا سۇيەنسەك، حVٴىى – حVٴىىى عاسىرلاردا وسى نىساندار تۇرعان جەردە شايقاس بولىپ، كوپ ادامنىڭ قانى توگىلگەن. ناق وسى جەردە جاۋلاسقان ەكى رۋدىڭ اسكەري باسشىلارى وردالارىن تىككەن. ەكىدىڭ قۇرىلىسى تاستان قالانىپ، كيىز ٴۇي تارىزدەس سالىنعان. ەسكەرتكىشتى 1959 جىلى ٴا.مارعۇلان جەتەكشىلىك ەتكەن عىلىمي ەكسپەديتسييا زەرتتەدى.
ٴا. مارعۇلاننىڭ دەرەكتەرىنە سۇيەنسەك، بۇل ەسكەرتكىش قازاق مادەنيەتىندەگى العاشقى ٴۇي قۇرىلىسى ونەرىنىڭ دامۋىن بەينەلەيدى.
سىلتەمە: قازاقستاننىڭ جالپىۇلتتىق قاسيەتتى نىساندارى. –استانا: فوليانت، 2017. –162 ب.
