عۇمار قاراشتىڭ جەرلەنگەن جەرى

عۇمار قاراشتىڭ جەرلەنگەن جەرى باتىس قازاقستان وبلىسى جانىبەك اۋدانى تالوۆ اۋىلدىق وكرۋگىنىڭ اۋماعىندا.

عۇمار قاراش (1875-1921) – قازاق حالقىنىڭ كورنەكتى اقىنى، فولكلورشى، ٴدىن جانە قوعام قايراتكەرى، الاشوردا ارىسى، اعارتۋشى. ول ٴوز شىعارماشىلىعىندا ازاماتتىق اسقاقتىعى مەن نازىك ليريكانى شەبەر ۇندەستىرگەن تۇلعا، فيلوسوف، باتىستىڭ مەنتاليتەتى مەن شىعىستىڭ قالىپتاسقان ٴدىني قاعيدالارىنىڭ اراسىنا التىن كوپىر بولا بىلگەن ادام. الدىمەن جەرگىلىكتى مەدرەسەدە ساۋاتىن اشىپ، كەيىن ۋفا قالاسىنداعى مەدرەسەدە جوعارى ٴدىني ٴبىلىم العان، كەيبىر مالىمەتتەر بويىنشا، وقۋىن ستامبۋلدا جالعاستىرعان دەگەن اقپارات بار.

عۇمار قاراش – رەسەي يمپەريياسىنىڭ شىعىس بولىگى مۇسىلماندارىنىڭ ٴدىني كەڭەسىنىڭ قازاقتاردىڭ اراسىنان شىققان العاشقى مۇشەسى. الاش پارتيياسى مەن وكىمەتىنە جاقتاس بولعان عۇمار قاراش قوعامداعى قالىپتاسقان قۇرىلىمدى كۇشپەن جويۋعا جان-تانىمەن قارسى بولدى. وسىعان بايلانىستى «الاشتىڭ ازاماتتارىنا»، «نەدەن قورقامىن»، «كۇن تۋدى» ولەڭدەر جيناعىن شىعاردى. الايدا كوپ ۇزاماي اۋىلدى كەڭەستەندىرۋگە قارسى كۇرەسكە ارالاسىپ كەتتى. قازتالوۆكا اۋدانىندا تىلەنشىساي ٴجاديد مەكتەبىن اشقان عۇمار قاراش ٴجاديدشىل قوزعالىستىڭ وكىلى. زامانعا ساي وزىق پروتسەستەردى – ەكونوميكالىق جانە مادەني-اعارتۋ تەتىكتەرىن ايقىن ەنگىزۋدى، ۇلت مادەنيەتىن دامىتۋدى جاقتاعان.

سىلتەمە: قازاقستاننىڭ جالپىۇلتتىق قاسيەتتى نىساندارى. –استانا: فوليانت، 2017. –412-414-بب.