باتىرلاردىڭ كەسەنەلەرى سولتۇستىك قازاقستان وبلىسى ايىرتاۋ اۋدانى مادەنيەت اۋىلىنىڭ جانىنداعى قۇلشىنباي توبەسىندە ورنالاسقان.
كەسەنە XVII عاسىردا ٴومىر سۇرگەن، قازاق حاندىعىنىڭ تاۋەلسىزدىگى ٴۇشىن جوڭعار باسقىنشىلارىمەن كۇرەسكەن باتىرلار قاراساي التىنايۇلى (1589-1671) مەن اعىنتاي(شامامەن1599-1672) جەرلەنگەن جەرگە تۇرعىزىلدى.1999 جىلىاشىلعان مەموريالدىق ەسكەرتكىش ەكى اسكەري دۋلىعا كەسەنەدەن جانە ولاردىڭ اراسىندا كونۋس ٴپىشىندى مەشىتتەن تۇرادى. ونىڭ جانىندا بىرىكتىرىلگەن نايزالار تۇر. كەسەنەلەر اينالاسىندا زيرات-قورىم ورنالاسقان.
قاراساي مەن اعىنتاي قاھارمان باتىرلار، ايگىلى قولباسشىلار، اسا كورنەكتى تاريحي تۇلعالار. ٴومىر سۇرگەن زاماندارى قازاق-جوڭعار اراسىندا سوعىستىڭ ەندى تۇتانىپ، ەندى شيەلەنىسىپ، بىرتە-بىرتە ەكى كوشپەلى ەلدىڭ تاكتيكاسى مەن ستراتەگيياسىنىڭ سىنعا تۇسە باستاعان كەزى ەدى. بۇل كەزدە قازاق حالقىنىڭ دەربەس ەل بولىپ، ىرگە بەكىتىپ، ٴبىرتۇتاس ەتنيكالىق سانا-سەزىمنىڭ ورنىققانىنا ەكى عاسىردىڭ ٴجۇزى بولعان. تەگەۋرىنى كۇشتى قالماق باتىرلارىمەن الدەنەشە رەت جەكپە-جەككە شىعىپ، جەڭىسكە جەتىپ وتىرعان. جاۋعا قارسى شىعۋدىڭ جاڭا تاكتيكالارىن، ەلدى قورعاۋدىڭ جاڭا تاسىلدەرىن كورسەتۋ ارقىلى مارتەبەلەرى وسكەن.
سىلتەمە: قازاقستاننىڭ جالپىۇلتتىق قاسيەتتى نىساندارى. –استانا:فوليانت، 2017. –304-307-بب.
