مەموريالدىق كەشەن اقتوبە وبلىسى قوبدا اۋدانى جيرەنقوپا اۋىلىندا ورنالاسقان. كەسەنە – قارا قىپشاق قوبىلاندى باتىر توقتاربايۇلىنا (حV) ارنالعان. كەسەنە باتىردىڭ جەرلەنگەن جەرىندە ورناتىلعان. قوبىلاندى باتىر تۋرالى دەرەككوزدىڭ ٴبىرى – قازاق حالقىنىڭ ەپوستىق قاھارماندىق جىرلارىنىڭ ٴبىرى – «قوبىلاندى باتىر» جىرى. بۇل جىردىڭ وقيعالارىنا قاراعاندا، قوبىلاندىنىڭ ەرلىك جولى قازاق ەلىنىڭ سول كەزدەگى سىرتقى جاۋى — قىزىلباستار (پارسىلار) مەن ولاردىڭ شاپقىنشىلىق جاساعان حانى قازانعا قارسى كۇرەسىنەن باستالادى. ونىڭ بۇدان كەيىنگى شايقاسقان باتىرلارىنىڭ اتىنا قاراپ، ولاردىڭ اتاقتى ەدىگە باتىردىڭ تۇقىمدارى ەكەنىن اڭعارۋعا بولادى. قوبىلاندى باتىردىڭ وراق باتىرمەن دوس بولىپ، الشاعىرمەن جاۋىعۋى — قازاق حاندىعىنىڭ ٴوزارا ىشتەي ەكىگە بولىنگەن نوعاي ورداسىنىڭ ٴبىرىن قولداپ، ەكىنشىسىمەن سوعىسىپ جاتقان تاريحي كەزەڭىن العا تارتادى.
قابىردەگى قالدىقتاردىڭ قوبىلاندى باتىرعا تيەسىلى ەكەنىن انىقتاپ، دالەلدەگەن قر ورتالىق مەملەكەتتىك انتروپولوگييا زەرتحاناسىنىڭ مەڭگەرۋشىسى ورازاق يسماعۇلوۆ بولىپ تابىلادى.
سىلتەمە: قازاقستاننىڭ جالپىۇلتتىق قاسيەتتى نىساندارى. –استانا:
فوليانت، 2017. –296-297-بب.
