«تاۋەلسىزدىك تاڭى» مونۋمەنتى 2006 جىلى جەلتوقسان وقيعاسىنىڭ 20 جىلدىعىنا وراي اشىلدى. مونۋمەنت الماتى قالاسىنداعى جەلتوقسان مەن ساتباەۆ كوشەلەرىنىڭ قيىلىسىندا ورنالاسقان.
ەسكەرتكىش 3 بولىكتەن تۇرادى. ورتاسىنان قاق ايىرىلعان قوس باعان وتكەن جانە بولاشاق داۋ-جانجالداردى سيپاتتايدى، مەملەكەت ەركىندىك الىپ، تاۋەلسىزدىك سالتانات قۇرعانىن بىلدىرەدى. ەسكەرتكىشتەگى وڭ قولىنا جەلبىرەگەن ورامال، سول قولىنا سيمۆولدىق قۇس ۇستاپ العا ۇمسىنعان ايەل بەينەسى حالىقتى بىرلىك پەن ىنتىماققا شاقىرۋدىڭ بەلگىسى ىسپەتتى. ەسكەرتكىش تاۋەلسىزدىك ٴۇشىن، ۇلت بولاشاعى، ۇرپاق تاعدىرى ٴۇشىن جانىن قيعان قازاق جاستارىنا ارنالادى.
1986 جىلى جەلتوقساندا قازاق جاستارىنىڭ كسرو ۇكىمەتىنىڭ وتارشىلدىق، ٴامىرشىل-اكىمشىل جۇيەسىنە قارسى نارازىلىق ٴبىلدىرىپ، كوشەگە شىقتى. جاستار ادىلەتتىلىكتى، تەڭدىكتى، تاۋەلسىزدىكتى قالادى. بۇل وقيعا بوستاندىققا، تاۋەلسىزدىككە ۇمتىلعان قازاق حالقى تاريحىنداعى ەلەۋلى وقيعا بولىپ تابىلادى.
سىلتەمە: قازاقستاننىڭ جالپىۇلتتىق قاسيەتتى نىساندارى. –استانا: فوليانت، 2017. –467-468-بب.
