الماتى قالاسىنداعى ەكىنشى دۇنيەجۇزىلىك سوعىستىڭ باتىرلارىنا ارنالعان 28 گۆاردييالىق-پانفيلوۆشىلار ساياباعى ىشىندە ورنالاسقان.
ۆوزنەسەنسك كافەدرالى شىركەۋى – ينجەنەرلىك قۇرىلىستىڭ بىرەگەي ٴتۇرى، بيىكتىگى – 56 م. ونىڭ قۇرىلىسى تۇركىستان مەن تاشكەنتتىڭ مارتەبەلى ەپيسكوپى ٴپايسييدىڭ (ۆينوگرادوۆ) باستاماسىمەن 1903 جىلى 26 قىركۇيەكتە الماتىدا باستالادى. 1906 جىلى العاشقى كەلۋشىلەردى قابىلدايدى. عيمارات تيان-ٴشاننىڭ كوگىلدىر شىرشاسىنان ا.پ. زەنكوۆتىڭ (ۆەرنىي قالاسىنىڭ العاشقى ساۋلەتشىلەرىنىڭ ٴبىرى) جوباسى بويىنشا سالىنادى. شىركەۋ قابىرعالارىن جەرگىلىكتى سۋرەتشى نيكولاي حلۋدوۆ بەزەندىرەدى.
قۇرىلىس ماتەريالدارى يمپەرييانىڭ تۇكپىر-تۇكپىرىنەن جەتكىزىلدى: تسەمەنت تاشكەنتتەن، مەتلاح تاقتالار «كوس ي دورر» زاۋىتىنان، قاعازدان جاسالعان كوركەم بۇيىمدار سانكت-پەتەربۋرگتەگى ز. كوۆالەۆسكيي فابريكاسىنان، نيكەلدەنگەن تەمىر بۇيىمدار تۋلاداعى اتاقتى ۆ. زەمتسوۆ زاۋىتىنان، بوياۋلار ماسكەۋدەن، ال يكونالار كيەۆتەگى ا. مۋراشكونىڭ كوركەمسۋرەت شەبەرحاناسىنان اكەلىندى. ساۋلەتشىلەردىڭ تالانتىنىڭ ارقاسىندا شىركەۋ جەر سىلكىنىسىنە ٴتوزىمدى قۇرىلىس نىسانىنىڭ ۇلگىسى بولدى. ۋاقىت پەن تابيعاتتىڭ تالاي دۇلەيىنە مىزعىماي كەلەدى. 1911 جىلى 10 بالدىق جەر سىلكىنىسى دە شىركەۋگە زييان كەلتىرە المادى. شىركەۋ ٴوز تاريحىندا تالاي مارتە قولدان-قولعا ٴوتتى.
سىلتەمە: قازاقستاننىڭ جالپىۇلتتىق قاسيەتتى نىساندارى. –استانا:
فوليانت، 2017. –290-292-بب.
