قىزىلوردا وبلىسى قارماقشى اۋدانى جوسالى كەنتىنەن 18 شاقىرىم جەردە، قورقىت ستانتسيياسىنىڭ تۇبىندە. قورقىت اتا جەرلەنگەن جەردەن ٴبىر شاقىرىم جەردە ورنالاسقان.«قورقىت اتا» مەموريالدى كەشەنى بىرنەشە ارحيتەكتۋرالىق قۇرىلىستان تۇرادى: «ٴانسالاتىن تۇتىكتەر» – ٴتورت جاققا قاراپ تۇرعان ٴتورت قوبىزدىڭ بەينەسى، جەل سوققاندا تۇتىكتەردەن قوبىزدىڭ داۋىسى شىعادى؛ «تىلەك پيراميداسى»، امفيتەاتر، گريفون مەن قوشقاردىڭ جيناقتالعان وبرازىن قۇرايتىن قوشقارتاس، مۇراجاي.
كەشەن – تۇركى حالىقتارىنا ورتاق ۇلى ويشىل، جىراۋ، قوبىزشى قورقىت اتاعا ارنالعان. قورقىت اتا – سىر ٴوڭىرىنىڭ كيەلى ادامدارىنىڭ ٴبىرى. قورقىت اتانىڭ تاريحي تۇلعا ەكەنىن راستايتىن جازبا ەسكەرتكىش – «قورقىت اتا كىتابى» («كيتابي ٴدادام كورقۋد»). وعىز تەكتى تۇرىكپەن، ٴازىربايجان حالىقتارىنا دا ورتاق مۇرانى قىپشاق بۇتاعى دا وزىنىكى سانايدى. قازاق حالقى قورقىتتى كۇي اتاسى دەپ تانيدى. قورقىت اتا جىراۋ، اقىلگوي، دانىشپان، كوسەم، باقسى، كۇيشى رەتىندە كورسەتىلەدى. قورقىت اتا – وعىز-قىپشاقتايپالارىنىڭ ۇلى ويشىلى، باتاگوي ابىزى، داۋلەسكەر كۇيشىسى، كەلەر كۇندى بولجايتىن كورىپكەلداناسى. حالىقتىڭ سىرتقى جاۋدان، ىشكى داۋدان امان بولۋىن قاداعالاۋشى اقىلگوي. ٴدايىم جۇرتتىڭ كوش-قوڭىن، مەكەن تۇراعىن، ەن-تاڭباسىن، ۇران-ۇجىمىن بەلگىلەپ وتىراتىن بىلگىر. قورقىت – سىبىزعى يەسى، قوبىزدىڭ اتاسى. ول «ٴومىر باردا ٴولىم بار، وزگەرۋ بار، ولمەس ٴومىر جوق، سىنباس تەمىر جوق، ٴبارى دە ولەدى، وزگەرەدى، ۇمىت بولادى، تەك ماڭگى-باقي ولمەيتىن، ۇمىتىلمايتىن نارسە – ادامنىڭ ومىرىندە ىستەگەن يگىلىكتى ٴىسىنىڭ ناتيجەسى» دەگەن دانالىعىن قالدىرعان.
سىلتەمە: 1.قازاقستاننىڭ جالپىۇلتتىق قاسيەتتى نىساندارى. –استانا: فوليانت، 2017. –166-169-بب.
2.قاسيەتتى قازاقستان.
